分享全球Youtbe视频盛宴
精彩尽在Yutube.CC视频网

【六國混血模特兒Cara G.跌watt走晒樣】養3孩很吃力 慳到護膚品都唔買


現年35歲,擁有六國血統嘅混血靚人妻Cara G.,而家佗緊第3胎,預產期係5月。早前見佢頂住籮咁大嘅肚現身,成個人走晒樣,同佢IG post出嚟容光煥發嘅相差好遠,唔單只面色唔多好,睇落仲充滿疲態,怕且喺香港養3個小朋友嘅壓力真係好大! Cara G.係model,老公係攝影師,兩老婆都係自由職業收入唔穩定,因此佢曾經坦言喺香港養兩個女已經好吃力,所以無計畫過第三胎。直到發現有咗嗰刻,真係覺得百上加斤,仲話老公差啲心臟病發! Cara G.體會到喺香港養三個小朋友係幾咁瘋狂,唯有慳得就慳,習慣將收入一半儲起、承接朋友無用嘅小朋友用品、盡量帶小朋友去戶外玩,減少買玩具開支。至於教育方面,佢自認無能力送兩個女讀私立,所以打算報讀一般政府資助學校。另外,作為model嘅佢,據聞慳到唔買化妝品同護膚品,早前見佢素顏現身,似乎又唔係亂噏喎,而且打晒呵欠疲憊不堪咁款,面容亦見憔悴,睇嚟六國混血嘅美麗,都敵不過生活壓力嘅侵蝕。 生活逼人,會唔會考慮離開香港?Cara G.話過:「暫時無咁嘅打算,我一生大部分時間喺香港過。」

欢迎关注Youtube视频网站为你提供最新最全Youtube各频道资讯,谢谢支持!